मानिसको शौखपनि केसम्म हुन्छ भन्ने कुरा यस घटनाले प्रष्ट पार्दछ । हालै विश्वकै सबैभन्दा ठूलो गंगटो ५० लाख भन्दा बढी रकममा लिलाम भएको छ । यति भयंकर गंगटाको लिलामी जापानको पश्चिमी क्षेत्र टोटरीमा भएको हो । बरफमा पाइने यस किसिमको गंगटालाई क्रस्टेसियन गंगटा भनिन्छ । जापानमा जाडो महिना सुरु भएपछि ‘सी फुड’ को लिलाम हुने गर्दछ ।
मानिसहरू यसका लागि पर्खाइमा रहने गर्दछन् । यस लिलामीमा टुना माछा विशेष आकर्षणको केन्द्र बन्ने गर्दछ । विश्वकै ठूलो यो गंगटाको तौल १.२ किलोग्राम छ र लम्बाई १४.६ सेन्टिमिटर रहेको छ । अघिल्लो बर्ष पनि एक गंगटोका लागि २० लाख रुपैयाँको बोली लागेको थियो । हालै लिलामी गरिएको गंगटाले अघिल्लो बर्षको रेकर्डलाई तोड्दै गिनिज वल्र्ड रेकर्डमा नाम दर्ता गराएको छ । खबरका अनुसार, यस गंगटोलाई एक स्थानीय पसलले खरिद गरेका छन् र त्यसलाई जापानको एक महंगो रेस्टुरेन्टलाई दिइनेछ ।
