धनगढी, ५ पुस । कैलालीको धनगढीमा ट्रयाक्टरको ठक्करबाट एक बालिकाको मृत्यु भएको छ । जिल्लाको धनगढी उपमहानगरपालिका वडा नम्बर ५ मा पाँच वर्षीया शान्ति भट्टको ट्रयाक्टरको ठक्करबाट मृत्युभएको हो ।
जिल्ला प्रहरी कार्यालय कैलालीका प्रवक्ता कुलदिप चन्दका अनुसार भगवती टोलका देवकर भट्टकी पाँच वर्षीया छोरी शान्तिलाई बिहिवार ट्रयाक्टरले ठक्कर दिएको हो । हसनपुर–स्याउले सडक खण्डमा से १ त ६२०४ नम्बरको ट्रयाक्टरले ठक्कर दिदा बालिकाको मृत्यु भएको छ । उनको धनगढीको निर्सग अस्पतालमा मृत्यु भएको हो ।
बालिकाको शव सेती अस्पतालका शव गृहमा राखिएको छ । ट्रयाक्टर र ट्रयाक्टर चालक भजनी नगरपालिका वडा नम्बर ६ का ३५ वर्षीय रामजनम चौधरी प्रहरीको नियन्त्रणमा छन् ।
