रोजी र कैथी जुम्ल्याहा दिदीबहिनी हुन् । एकै किसिमका देखिने यी दिदी बहिनीले विगत २३ वर्षदेखि लुगा पनि एकै किसिमका लगाउँदै आएका छन् । रोजी र कैथी सँगसँगै रहेको फ्ल्याटहरुमा बस्ने गर्दछन् । उनीहरुले आफ्ना फल्याटको रंग पनि एकै किसिमको लगाएका छन् । यी दुई दिदीबहिनी रोजी कोल्स र कैथी हेफर्नन दुबैको उमेर ६९ वर्ष भइसकेको छ । उनीहरुलाई एकै किसिमको लुगा लगाउन मन पर्दछ ।
यी दिदी बहिनीले विगत ११ वर्षदेखि एक साथ सरसफाईको व्यवसाय चलाउँदै आएका छन् । यी दिदी बहिनीको एकै किसिमको लुगाले दराजहरु पनि भरिएका छन् । विगत २३ वर्षदेखि यी दिदीबहिनीले एकै किसिमका लुगा लगाउन थालेका हुन् । पार्टी, बजार, विवाह इत्यादिमा जाँदा पनि एकै किसिमका लुगामा यी दिदीबहिनी ठाँटिने गर्दछन् । यी दिदीबहिनीले आफ्नो श्रीमान्हरुसँग एकैसाथ सम्बन्धविच्छेद गरेका थिए । (एजेन्सी)
