काठमाडौं । महिला सैनिकले यसअघि प्रसूति र प्रसूति स्याहार शीर्षकमा पाउँदै आएको बिदा अवधि थप भएको छ ।
सैनिक सेवा नियमावली, २०६९ संशोधन गर्दै नेपाली सेनाले यो शीर्षकको बिदा अवधि बढाएको हो ।
यसअघि नेपाली सेनाले महिला सैनिकलाई ६० दिन बिदा दिँदै आएको थियो । जुन प्रसूति हुनु अघि वा पछि गरेर बस्न सकिन्थ्यो । अहिले त्यसलाई ३८ दिन थप गरेर ९८ दिन पुर्याइएको छ ।
योसँगै सुत्केरी भएको ६० दिनमै जागिरमा फर्कनुपर्ने बाध्यतामा रहेका महिला सैनिकलाई यो संशोधनले राहत मिलेको छ ।
यसअघि नै नियम ५८ को २ मा प्रसूति बिदा लिएका महिला सैनिकले चाहेमा कुनै पनि बिदाबाट कट्टा नहुने गरी थप ६ महिना बेतलबी प्रसूति बिदा लिने व्यवस्था गरिएको थियो । यो व्यवस्थामा भने यसपटक कुनै पनि संशोधन गरिएको छ ।
कुनै पनि पुरुष सैनिकको पत्नी सु्त्केरी हुने भएमा त्यस्तो सैनिक व्यक्तिले सुत्केरीको अघिपछि गरी १५ दिन पाउँदै आएको प्रसूति स्याहार बिदालाई पनि निरन्तरता दिइएको छ ।
