काठमाडौं/रुपन्देही । रुपन्देही जिल्लामा सञ्चालन भइरहेको अवैध अनलाइन सट्टेबाजी (जुवा) विरुद्ध नेपाल प्रहरीले ठूलो अपरेशन चलाउँदै २० जनालाई पक्राउ गरेको छ। तिलोत्तमा नगरपालिका क्षेत्रका विभिन्न स्थानबाट पक्राउ परेका ती व्यक्तिहरू भारत र नेपालका नागरिक रहेको खुल्न आएको छ, जसले यो गिरोह अन्तर्राष्ट्रिय सञ्जालसँग जोडिएको हुन सक्ने आशंका बलियो बनाएको छ।
प्रहरीका अनुसार, २०८२ चैत १९ र २७ गते दुई चरणमा गरिएको अपरेशनमा ठूलो परिमाणमा डिजिटल उपकरण, बैंकिङ सामग्री र नगद समेत बरामद गरिएको छ। हाल यस सम्बन्धमा थप अनुसन्धान जारी रहेको छ।
🔴 पहिलो चरण: ९ जना भारतीय नागरिक पक्राउ
२०८२ चैत १९ गते तिलोत्तमा नगरपालिका वडा नं. ७ बाट पक्राउ परेका ९ जना सबै भारतीय नागरिक रहेका छन्। उनीहरूको विवरण यसप्रकार छ:
१. प्रदिप गुप्ता (३० वर्ष) – बासडिह थाना, मिश्रवलिया, बलिया, उत्तर प्रदेश
२. पवन कुमार (२२ वर्ष) – कर्नलगंज थाना, बसेरिया, गोण्डा, उत्तर प्रदेश
३. सतिश कुमार (२० वर्ष) – मिश्रवलिया, बलिया, उत्तर प्रदेश
४. मनु कुमार सोनी (२१ वर्ष) – हुसेनगंज थाना, सिवान, बिहार
५. अमर कुमार (२१ वर्ष) – नैरहवा थाना, सिवान, बिहार
६. नर सिंह (२१ वर्ष) – उमेरी वेगमजंग थाना, गोण्डा, बिहार
७. राम असिस सिंह (२४ वर्ष) – उमेरी वेगमगंज, गोण्डा, बिहार
८. सुदिप तो माझी (३१ वर्ष) – नदिया, पश्चिम बंगाल
९. अबिशेष ठाकुर (२२ वर्ष) – वेलहरी, बलिया, उत्तर प्रदेश
बरामद सामान:
ल्यापटप: ३ थान
मोबाइल: २० थान
हिसाब किताबको रजिस्टर: ५ थान
🔴 दोस्रो चरण: ११ जना पक्राउ, नेपाली पनि संलग्न
२०८२ चैत २७ गते तिलोत्तमा–१५ कोटिहवाबाट थप ११ जना पक्राउ परेका छन्। यसमा भारतीय नागरिकसँगै नेपाली नागरिक पनि संलग्न रहेको पाइएको छ।
१. संदिप कुमार (२८ वर्ष) – मजामगढ, भारत
२. एम.डी. हाकिम (४३ वर्ष) – हैदरावाद, तेलंगना
३. सतेन्द्र सिंह (२६ वर्ष) – कुशिनगर, उत्तर प्रदेश
४. श्याम सुन्दर (३६ वर्ष) – गोरखपुर, उत्तर प्रदेश
५. दिपक पाण्डे (२४ वर्ष) – रतनपुर, उत्तर प्रदेश
६. रियाज अहमद (३२ वर्ष) – गाजिपुर, उत्तर प्रदेश
७. प्रदिप कुमार (३५ वर्ष) – कानपुर देहाद, उत्तर प्रदेश
८. अक्लेश कुमार यादव (३४ वर्ष) – ओमसतिया–१, रुपन्देही
९. सिमा राना (३८ वर्ष) – सुर्खेत घर, हाल कोटिहवा, रुपन्देही
१०. तन्नु कुमारी (३६ वर्ष) – दिल्ली, भारत
११. राखी झा (३८ वर्ष) – दिल्ली, भारत
🔴 ठूलो परिमाणमा बैंकिङ र डिजिटल सामग्री बरामद
प्रहरीले दोस्रो चरणमा झन् गम्भीर प्रकृतिका सामग्रीहरू बरामद गरेको छ, जसले संगठित वित्तीय सञ्जालको संकेत दिन्छ:
भारतीय बैंकका चेकबुक: २३ बन्डल
ATM कार्ड: २५ थान
नगद: रु. ९१,७२५
भारतीय पासपोर्ट: १ थान
स्ट्याम्प छाप: ३ थान
पेन ड्राइभ: ३ थान
मोबाइल: २१ थान
ल्यापटप: ६ थान
आधार कार्ड: ३० थान
ZTE राउटर: १ थान
🔴 अन्तर्राष्ट्रिय सट्टेबाजी सञ्जालको संकेत
बरामद सामग्री र पक्राउ परेकाहरूको विवरण हेर्दा, यो केवल सामान्य जुवा खेलाउने समूह नभई व्यवस्थित अनलाइन सट्टेबाजी नेटवर्क भएको देखिन्छ।
विशेषगरी-
विभिन्न भारतीय बैंकका चेकबुक
ATM कार्डहरूको ठूलो संख्या
आधार कार्ड र पासपोर्ट
डिजिटल उपकरणहरूको प्रयोग
यी सबैले नेपाललाई आधार बनाएर भारत केन्द्रित वित्तीय कारोबार सञ्चालन भइरहेको हुन सक्ने संकेत गर्छ।
🔴 नेपाल ‘हब’ बन्दै गएको चिन्ता
विशेषज्ञहरूका अनुसार, पछिल्लो समय नेपाल अनलाइन बेटिङ नेटवर्कको ‘सेफ जोन’ जस्तो बन्न थालेको छ, जहाँबाट भारत लगायत अन्य देशका अवैध कारोबार सञ्चालन भइरहेका छन्। कमजोर निगरानी, खुला सीमा र डिजिटल प्रविधिको दुरुपयोगका कारण यस्तो गिरोह विस्तार हुँदै गएको बताइन्छ।
🔴 प्रहरीले कडाइ बढाउने संकेत
प्रहरी स्रोतका अनुसार, यो केवल सुरुवात मात्र हो र यस्ता गिरोहहरूविरुद्ध थप कडा कारबाही गरिनेछ। पक्राउ परेकाहरूको नेटवर्क, वित्तीय कारोबार र अन्तरदेशीय सम्बन्धबारे विस्तृत अनुसन्धान भइरहेको
