महोत्तरी । महोत्तरीको मटिहानी नगरपालिका–२ क्षेत्रमा भारतबाट नेपालतर्फ भन्सार छली गरी ल्याइँदै गरेका टायल्ससहित एक अटो प्रहरीले नियन्त्रणमा लिएको छ।
विशेष सूचनाका आधारमा खटिएको प्रहरी टोलीले ना ३ ख ३५०४ नम्बरको अटो जाँच गर्ने क्रममा भन्सार छली चोरी–पैठारी गरी ल्याइँदै गरेका टायल्स बरामद गरेको हो।
प्रहरीका अनुसार बरामद टायल्स र अटोसहितको कुल मूल्य रु. ३ लाख ३७ हजार ५ सय बराबर रहेको छ। बरामद सामान र सवारीसाधनलाई रीतपूर्वक नियन्त्रणमा लिएर कार्यालयमा दाखिला गरिएको थियो।
यस सम्बन्धी थप आवश्यक कारबाहीका लागि २०८२ चैत २२ गते जलेश्वर भन्सार कार्यालय, महोत्तरी पठाइएको प्रहरीले जनाएको छ।
