काठमाडौं, फागुन ७ \\ जनताले पनि गहीरो अर्थलाग्ने प्रतिकात्मक बोल्नथाले। सन्दर्भ हिजो साँझ बालुवाटारको हो।
प्रधानमन्त्री केपी ओलीले आफ्नो निवास बालुवाटार सार्ने भएकोले बालुवाटारमा स्वागतका लागि शुभेच्छुकहरु बाजागाजासहित बसेका थिए। स्वागतग्रहणपछि ओली गेटबाट मुख्य निवास प्रवेश नगरी प्रधामन्त्रीको स्वकीय सचिवालयतिर बढे।
सचिवालयको अघिल्तिर तीनपाते पीपलको बोट थियो। साँझ झमक्कै भैसकेको भएपनि ओलीले त्यही पीपलको विरुवा सुमसुम्याए, तुरुन्तै पानी मगाए र बिरुवामा पानी हाले।
डेढ बर्षअघि बालुवाटारबाट विदा हुने बेलामा ओलीले यो बिरुवा रोपेका थिए।
बिरुवा नबढेको देखेर भिडबाट केहीले सोधे, ‘डेढ वर्ष हुँदापनि यति सानै ?’
“देउवाले रुख-बृक्षलाइ मलजल गर्न छाडेका छन्। त्यसैले उनको अगाडी रुख, बृक्ष मौलाउँदैन, बरु सुक्छ”, भिडबाटै कसैले तत्कालै उत्तर दिइहाल्यो
ओली केही बोलेनन्, मुसुमुसु हाँस्दै पीपलमा पानी हालेर निवास-भवनतिर लागे।
